Laguntzen helburua da berrikuntza teknologikoko proiektuak dituzten enpresei laguntzea, helburu hauetakoren batekin:

• Teknologia emergenteak enpresan sartzea eta modu aktiboan egokitzea, bai eta merkatu berrietara teknologiak egokitzeko eta hobetzeko prozesuak ere.
• Industria-diseinua eta produktu- eta prozesu-ingeniaritza aplikatzea halakoak hobetzeko.
• Ekoizpen- edo hornidura-metodo berria edo nabarmen hobetua aplikatzea, teknika, ekipamendu eta/edo programa informatikoei dagozkien aldaketa adierazgarriak barne. 

Proiektuek gutxienez 6 hilabeteko eta gehienez 18 hilabeteko iraupena izan behar dute.

Proiektuaren gutxieneko aurrekontuak 175.000 eurokoa izan behar du. 

Enpresak proiektuaren aurrekontuaren % 15 jarri beharko du, gutxienez, baliabide propioekin edo kanpoko finantzaketarekin.

Inbertsio eta gastu hautagarritzat hartuko dira:

• Proiektuaren enpresarentzat jauzi teknologiko garrantzitsua dakarten aktibo finko berriak erostea.
• Langileen kostuak.
• Materialak eta kontsumigarriak.
• Kanpo-zerbitzuen eta azpikontratazioen kontratazioa.
• Gastu orokorrak.
• Proiektuaren auditoria-kostuak.