Osagaiaren helburua da zenbait jarduera uztearen inpaktua minimizatzea, hala nola ikatzaren meatzaritza, ikatz-zentral termikoak edo zentral nuklearrak, ixtea adostu ahala; horrek eskualde jakin batzuei eragingo baitie. Arrazoi horiek direla-eta langabezian gelditzen diren pertsonei babesa ematea da helburua.

• I1: Inbertsioak Bidezko Trantsizioan. 300 milioi. Autonomia-erkidegoei dagokie ikatz-meatzaritzako ustiategiak leheneratzeko eskumena, baldin eta ustiategi horiek hartzekodunen konkurtsoan edo likidazioan badaude. Autonomia-erkidego horiei funtsak helaraziko zaizkie, eta proiektuak gauzatzeko ardura izango dute. Toki-erakundeak izango dira trantsizioan dauden udalerri eta lurraldeetako ingurumen-azpiegituren, azpiegitura digitalen eta sozialen planari buruzko proiektuak gauzatzeko ardura dutenak. Energia biltegiratzen eta energia-efizientzian dauden I+G+b proiektuak MITECOk jarriko ditu martxan. Energia-trantsizioak eragindako langileen eta herritarren lanbide-prestakuntzarako eta laneratzeko laguntza-plana Bidezko Trantsiziorako Institutuak jarriko du abian, erakunde laguntzaileen bidez, SEPErekin koordinatuta. Zuzeneko dirulaguntzak izango dira autonomia-erkidegoentzat; Bidezko Trantsizioaren Institutu berriaren deialdiak eta aholkularitza, Berreskuratze Planaren beste osagai batzuetarako proiektuak prestatzeko; Ciuden-etik proiektuen kudeaketa; erakunde laguntzaileen laguntza, langileak berriz kualifikatzen eta lan-munduan txertatzen laguntzeko planaren kasuan.

Aurrekontuak Betearazteko Egutegia (milioi euro)
		Guztira	2021	2022	2023
O10.I1	Inbertsioak Bidezko Trantsizioan	300	90	110	100
	Guztira	300	90	110	100

 

Berreskuratze, Eraldaketa eta Erresilientzia Planean osagaiaren deskripzio ofiziala